گرینگی یادورییەکان بۆ مێژووی ئێستا و داهاتووی ئێمە:

هەندێک جار تەنها ڕستەیەک، شێعرێک، دەستەواژەیەک یادەوەرییەکی بچووک کۆمەڵ زیندوو دەکاتەوە و لە یادەوەری زۆربەی خەڵکی شارێکدا تۆمار دەکرێت. هەندێک جارتەنها وێنەیەک یادەوەری خوویەکی لەبیرکراو زیندوو دەکاتەوە کە سەردەمانێک خووی هەموو خەڵکی کۆمەڵگایەک بووە. هەندێک جار یادەوەرییەکی کەم بایەخ دەبێتە شتێکی گرنگ چونکە یادەوەریمان بەئاگا دەهێنێتەوە. ئەو یادەوەرییەی کە پاسەوانی ڕابردوومانە بە هەموو برین و زەردەخەنە و یادەوەری تاڵ یان خۆش؛ ئەو یادەوەرییەی کە پشتگیری لە تێگەیشتنمان دەکات لەو ساتەی کە دەژین.

ئەم یادگاریانە چ کورت و یەک دێڕ بن یان فرە لاپەڕە، پارچەیەک لە ژیان نیشان دەدەن. ژیانێک کە پێکهاتووە لە ئەزموونی سادە و لەبیرنەکراو. ئەو ئەزموونانەی کە ئاسەوارەکانیان هەرچەندە بێهێز بێت، کاریگەری لەسەر کەسایەتی هەر کەسێک هەیە. مرۆڤێک، کە چارەنووسی بەستراوەتەوە بە مێژوو و سیاسەت و چارەنووسی هاوچەرخی کۆمەڵگاکەیەوە چ بیەوێت یان نا. مێژوو، نەک تەنها بە مانای ئەو ئەزموونانەی کە نەتەوەیەک و کۆمەڵگایەک پێیدا تێپەڕیون، بەڵکو تەنانەت بە مانای کەسی و تاکەکەسی خۆی. مێژووی هەر یەکێک لە ئێمە، مێژووی بنەماڵە، مێژووی ئازارە هاوبەشەکان و خۆشییە هاوبەشەکان کە خەڵکی گەڕەکێک پێکەوە ئەزموونیان کردووە.

ئەمە لەبیرمە ئەو یادگاریانەی تێدایە کە بەدرێژایی ساڵان لە مێشکمدا دروست بوون. ئەو یادەوەریانەی کە ئەگەر بە قووڵی کەسیش نەبوون، بە جۆرێک ئەزموون دەکران. بە واتایەکی تر زۆربەیان لە یادەوەری بەکۆمەڵی زۆر کەسی نەوەی مندا چەسپاون و ڕەنگە نەوەیەک یان دوو نەوەی دیکەش بە هەمان شێوە.